Adenotomiya

Expert Medical Clinic tibbiyot markazida bolalar va o‘smirlarda adenoidlarni olib tashlash bo‘yicha operatsiyalar amalga oshiriladi.

Adenoidlar nima uchun kerak?

Adenoidlar organizmning himoya vazifasini bajaradi va halqumning limfatik halqasining bir qismi hisoblanadi. Adenoidlar, ya’ni kattalashgan halqum bodomsimon bezi, shunchaki istakka ko‘ra olib tashlanmaydi. Ularni olib tashlash zarurati to‘g‘risidagi qarorni faqat shifokor qabul qiladi.

Adenoidlar olib tashlanmasa nima bo‘ladi?

Sog‘lom bodomsimon bezlar organizmni turli zararli ta’sirlardan himoya qiladi. Ammo yallig‘langan va kattalashgan adenoidlar immunitetni susaytirib, nafas yo‘llari infeksiyalarining rivojlanishiga sabab bo‘lishi mumkin.

Kattalashgan adenoidlar quyidagi muammolarni keltirib chiqarishi mumkin:

• Immunitetning pasayishi;

• Burun orqali nafas olishning buzilishi;

• Yuz tuzilishida assimetriya yuzaga kelishi;

• Eshitish qobiliyatining pasayishi;

• Nutqning o‘zgarishi;

• Burun, tomoq va nafas yo‘llari kasalliklarining tez-tez takrorlanishi;

• Gipoksiya (kislorod yetishmovchiligi), natijada doimiy bosh og‘rig‘i;

• Noto‘g‘ri tishlash (prikus) shakllanishi.

Adenoidlarni olib tashlashga ko‘rsatmalar

Asosiy belgilar:

• Surunkali otit;

• Burun orqali nafas olishning yomonlashuvi;

• Tez-tez uchraydigan respirator virusli kasalliklar;

• Noto‘g‘ri prikus yoki yuz tuzilishidagi boshqa assimetriyalar;

• Uyqu vaqtida nafasning to‘xtab qolishi (apnoe);

• Kislorod yetishmovchiligi, uyquchanlik va tez charchash.

Adenotomiyaga qarshi ko‘rsatmalar

Quyidagi holatlarda operatsiya tavsiya etilmaydi:

• Tanglay rivojlanishidagi nuqsonlar;

• Qon ivishining buzilishi;

• Onkologik kasalliklar;

• Yurak va nafas olish tizimi kasalliklari;

• Og‘iz bo‘shlig‘idagi yallig‘lanishlar;

• O‘tkir infeksion kasalliklar.

Shuningdek, shamollash, tana haroratining yuqoriligi yoki o‘tkir kasallik davrida operatsiya o‘tkazilmaydi. Bemor avvalo to‘liq sog‘ayishi kerak.

Toshkentda adenotomiya qayerda amalga oshiriladi?

Expert Medical Clinic tibbiyot markazida bolalar va o‘smirlarda adenoidlarni olib tashlash bo‘yicha zamonaviy jarrohlik amaliyotlari bajariladi. Klinikamizda tajribali va malakali LOR shifokorlari faoliyat yuritadi. Ular har bir bemorni sinchkovlik bilan ko‘rikdan o‘tkazib, individual davolash rejasini tuzadilar. Zamonaviy tibbiy uskunalar va ilg‘or davolash usullaridan foydalanish klinikamizning asosiy afzalliklaridan biridir.